主页 > 热门全场 >《被脱下翼卫的光环 也许摩西斯亦係时候离开车路士》 >

《被脱下翼卫的光环 也许摩西斯亦係时候离开车路士》

《原创文章 欢迎转载 请列明出处 谢谢》-请支持蓝狮 Facebook专页-《被脱下翼卫的光环 也许摩西斯亦係时候离开车路士》 按此观看图片 .图片来源 : Goal正所谓新人事新作风,自沙利今季掌帅后,车路士由过去两季主守嘅三后卫阵式,变成沙利过往常用嘅433阵式,而上季迷失嘅巴克利亦喺意大利人嘅调教下慢慢得到机会重拾他日信心,有得必有失,反之亦然就好似域陀摩西斯哩啲喺三后卫阵式中嘅得益者,依加就只能回归平凡,再次折返人间。其实摩西斯都可以算係依加队中嘅老臣子,2012年车路士传奇式夺得欧联冠军后,球会一气过收购多名技术型球员,就好似夏萨特、奥斯卡等,而摩西斯就係其中一员,当时佢由仲喺英超嘅韦根加盟后第一季的确有唔少出场机会,虽然天赋唔係高,但胜在够勤力,果时仲係翼锋嘅佢为蓝军喺各项赛事上夹夹埋埋都入到十个波,更助球队成为应届欧霸盃冠军。不过环境好快就受到改变,摩连奴再一次回归史丹福桥,而名气不及其他边路攻击球员嘅摩西斯正式加入人强马壮嘅外借军团,喺三季内先后被外借到利物浦、史笃城同韦斯咸效力,但係喺各支球队身上都拎唔到稳定嘅正选位置,所以每季完结后都会番去车路士参与季前操练无被卖断,如是者一季接着一季,好快就嚟到加盟蓝军嘅第五季,而主帅亦由摩连奴转变成干地。喺干地手中,可以话将摩西斯活用起上嚟,尼日利亚人速度够气力好,加上勤力肯博肯卖命,硬爆过你就过你唔会做多,令干地情愿放行古亚达度返回意甲都选择留番质素上次一级嘅摩西斯,而唔少英超球队见到哩个成功例子之后,亦开始将一啲队中本身进攻能力唔太高嘅翼锋开始改造成转打翼卫或者闸,摩西斯绝对可以话係一个「中流质素打上流波」嘅人板。但喺沙利手下,摩西斯嘅翼卫光环亦开始显得暗淡无光,由于右闸位上经已存在艾斯派古达作正选,以及萨柏哥斯达为后备,令摩西斯需要变回两年前嘅翼锋作定位,但其实喺同样位置上都经已有韦利安或柏度作后备,摩西斯拍埋去喺各方面都差咁啲咁,显得相当平庸,亦因为咁导致上阵机会少之又少,近日亦有指佢会被借到土耳其费伦巴治帮手护级。也许过去哩两季就像一个梦,一醒来就发现自己经已折返人间。文章最后更新时间 : 24/01/2019 15:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持