主页 > 篮球公园 >《西维尔有意外借巴卡约高 法国人应何去何从?》 >

《西维尔有意外借巴卡约高 法国人应何去何从?》

《原创文章 欢迎转载 请列明出处 谢谢》-请支持蓝狮 Facebook专页-《西维尔有意外借巴卡约高 法国人应何去何从?》 按此观看图片 .图片来源 : Football365根据外国传媒报导,西甲球会西维尔有意向车路士租用巴卡约高一季,并希望以先租借后买既形式将哩位前摩纳哥中场收归旗下,而言沙利上任后马上向球会提出收购旧部佐真奴,喺蓝军中场人手过剩之下似乎有球员离队亦会係意料之内,但要走先一步既竟然係巴卡约高而唔係「饮水哥」真禾特?加盟一季时间,巴卡约高既表现可以话比人「弹多过讚」,上季最经典一战一定要数到喺对屈福特既赛事入面,哩位法国中场只係踢左半个钟就两黄一红被逐,导致球队在整场比赛长时间打少一人,埋下大败既伏线,灾难性表现更令当地球迷即场高唱"You fxcking shit~",可以话成为众矢之的。「错就要认 打就企定」,无可否认既係喺过去哩一季大家都睇到,巴卡约高既个人技术係有一啲显眼问题存在,就连蓝军名宿林柏特都讲过,当每次法国人拎波后都会选择推脚,而唔係先控定个波以护波为主,但由于好多时个波都「唔痴脚」又或者「控甩左」,导致唔少对手都能够成功喺佢背后「打荷包」,而队友简迪即使能够覆盖更多海洋面积,都总唔能够次次靠佢「执漏」单天保至尊。同时巴卡约高明显对于英超既节奏以及裁判既执法标準依然唔熟悉,出脚时机不当经常被吹罚,可能就係因为咁,引致下半季干地要将佢推番入「冷宫」而用返法比加斯上正选既主因。依加佐真奴嚟左,无疑令巴卡约高既上阵时间进一步萎缩,同时沙利指出车路士中后场人手缺乏质素,睇嚟佢会继续喺哩啲位置上补强,如果咁的话喺中场方面巴卡约高同真禾特都只会双双离开。唔能够否认巴卡约高係有潜力,但喺依加哩个阶段真係连「周身刀」都未有,就连话佢「冇张利」既机会都冇,既然仲未成熟的话外借修炼都未尚唔係一个好办法。文章最后更新时间 : 23/07/2018 17:00来源 : Tribal Football《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持